Ngjarja Kia EV Day 2025 do të mbahet në fund të këtij muaji në arenën Tarraco në Tarragona të Spanjës. Kjo ngjarje vjen pas ditës së parë të Kia EV në Korenë e Jugut në vitin 2023 dhe do të shfaqë modelet më të reja elektrike, konceptet dhe teknologjitë e reja të Kia-s me qëllim që kompania të arrijë pozitën udhëheqëse globale në mobilitet të qëndrueshëm përmes veturave elektrike.

Ngjarja e dytë Kia EV do ta theksojë edhe rolin e saj si lidere në PBV – Platforma Përtej Veturës (Platform Beyond Vehicle). Kia do të paraqesë vizionin e saj për një qasje të re të përdorimit të veturave elektrike, përmes modeleve që ofrojnë fleksibilitet të madh me modularitet të lartë.

Kia EV4, PV5 dhe koncepti EV2 do të prezantohen më 27 shkurt

Në Ditën e Kia EV, në skenën botërore do të shfaqen për herë të parë modeli EV4 – i prezantuar më parë si koncept në ngjarjen e parë të Kia EV – dhe modeli PV5, vetura e parë e Kia-s e ndërtuar qëllimisht për PBV, që u paraqit si koncept në panairin CES 2024 në Las Vegas. Kia gjithashtu do ta prezantojë edhe konceptin EV2, një veturë kompakte elektrike dhe anëtarja më e re e familjes së veturave elektrike të Kia-s.

Fotot dhe videot që tregojnë dizajnin e konceptit dhe pamjet e afërta të modeleve të reja japin një pasqyrë të qasjes inovative të Kia-s në dizajn. Çdo veturë pasqyron estetikën që frymëzohet nga filozofia e dizajnit të Kia-s “Opposites United”, ndërsa materialet vizuele shfaqin veçoritë unike të veturave EV4, PV5 dhe konceptit EV2.

Këto tri modele përfaqësojnë strategjinë e re të guximshme të Kia-s për veturat elektrike. Kia EV4, PV5 dhe koncepti EV2 janë të pajisura me teknologjinë më të re të platformës elektrike të Kia-s dhe tregojnë qartë përkushtimin e saj për t’u bërë lidere botërore në mobilitet të qëndrueshëm – si në sektorin e pasagjerëve ashtu edhe në atë afarist – duke i plotësuar nevojat e ndryshme të klientëve.

Modeli i parë i dedikuar për PBV – PV5 – e përforcon rolin e Kia-s si udhëheqëse në këtë segment.

Kia do ta paraqesë strategjinë e saj të përgjithshme për PBV, duke përfshirë detajet rreth modelit të biznesit, vizionit, gamës së produkteve dhe nisjes së shitjeve për të mbështetur lansimin e modelit PV5. Po ashtu, kompania do ta prezantojë edhe platformën e re PBV, e cila do të sjellë një ndryshim të madh në mënyrën se si ndërtohen veturat. Kjo platformë speciale “skateboard” për vetura elektrike është baza e qasjes së re të Kia-s në sektorin PBV, që mundëson kombinime të ndryshme fleksibile të pjesëve të ndryshme të veturës.

Në ngjarjen Kia EV Day do të flasin edhe anëtarët kryesorë të ekipit drejtues të Kia-s. Përveç prezantimit të EV4, PV5 dhe konceptit EV2, ekipi do ta zbulojë edhe strategjinë e zgjeruar të elektrifikimit të Kia-s, që synon ta ndryshojë tregun global të veturave elektrike. Videoja e ngjarjes do të publikohet në mars në kanalin zyrtar të YouTube – Kia Worldwide.

Shikoni ofertën në aksion   

Shikoni të gjitha automjetet Kia   

Merreni një Kia për test vozitje